GURIT WAJIB SD/MI
PITUTURE SIMBAH
Bambang Nugroho
Isih dak eling
Pangandikane simbah
Marang putra wayah
Pinangka wasita adi
Isi pitutur kang kapundhi
Dadi obore ati
Tekane saiki
Pituture simbah sawayah-wayah
Bisa kadhudhah isi puji pandonga
Padha dadia pawongan
Nduweni kaluwihan
Tansah migunani tumrape liyan
Bisane duwe kaluwihan
Sangune sugih ngelmu lan
kandele iman
Mula gelem taberi sinau lan ngaji
Ngelmu mono paribasane
Digembol ora mendhosol
Dibuwang ora kemrosak
Dene
iman mono bakal paweh pituduh
Endi bener endi luput
Endi goroh endi jujur
Endi murang tata endi
unggah-ungguh
Endi menggok endi lempeng
Engga gawe slamete laku tekane
kang tinuju
GURIT PILIHAN SD/MI
GURIT KANGGO IBU
Rohadi Ienarto
Mbokmenawa
ngalah dhuwur wekasane
wus
ora trep mungguh sliramu, ibu
jantrane jaman iki wis adoh banget
lumaku, ninggalke piwulang
simbah-simbah
mbokmenawa
saiki wis tekan jamane
ngalah yen wus
bisa menangke
ngalah yen wus
bisa kewagang
ngendhih jurit
ing madyaning pabaratan
apa ya kita tetep puguh ngugemi
yen ta dewi kunthi kae
tega karo patine si suryatmaja, putrane
ora ibu
kita kudu wani dadi srikandhi
apadene kartini
wani menthang gandhewa
nglepasake landhepe pucuk
warastra nagih janjine sang maha
resi Bisma
mbedhah bentengipun taman
pingitan
GURIT PILIHAN SD/MI
AKU TAK MEGURU
Nini Klenyem
Semut...semut blekithi
Wujudmu cilik kebak pengati-ati
Satiti ngugemi wajib tur gemi nastiti
Datan darbe watak srei drengki lan meri
Pantes tinulat sakehing umat ing bumi
Tanpa mawang
kadang mitra
yen ketemu ing
papan
Aweh
salam kanthi anthuk-anthukan
Tansah
guyup rukun anggone kekadangan
Ing
mangsa ketiga bareng luru
pangan
Rejeki
ora kinarya rebutan
Minangka singgahan ing mangsa
udan
Semut...semut
blekithi
Wulang
wuruken aku
Dhasar
aku kepingin nuladha uripmu
Kinarya
sangu mecaki, jantraning uripku
Dimen
diconto kabeh anak putuku
GURIT PILIHAN SD/MI
LUHUR BEBUDENE
Sri Wijayati
Pagaweyan sing mulya ing
desa-desa
Nadyan ora kondhang ora macak
mung prasaja
Pak Tani garap sawahe saben dina
Wiwit macul nandur pari lan palawija
Akeh sing ora nggraita menawa
pegaweyan tani kuwi rekasa
Nom-noman wis
ora ana sing gelem temandang ing
sawah
Milih nyambut gawe nggon resik
ora gupak lemah
Mula wong tuwa kudu
tetep gumregah
Banjur iki salahe sapa
Biyen kebo sapi kanggo ngluku sawah
Saiki traktor dadi rowange garap sawah
Dleweran kringete Pak Tani wiwit
esuk nganti sore
Kulite sajak gosongkena panase
srengenge ora dirasakake
Wiwit tandur nganti panen pari
Ditandangi kanthi iklas kanggo dalan rejeki
Dongane Pak Tani muga- muga panenan tahun iki
Bisa digawa mulih kanggo ragad
sekolah lan urip lumrah
Pancen luhur bebudene Pak Tani
Ora tau nggresah, susah anane mung pasrah mring
Gusti Allah Muga- muga diparingi
berkah
Tidak ada komentar:
Posting Komentar