GURIT WAJIB SMP/MTs
PANGIMPENKU
Eko Purwanto
Kabeh manungsa mesthi duwe impen
Ana kang ngimpi dadi presiden
Ana kang ngimpi dadi menteri
Dadi penyanyi, dadi priyayi lan
pegawai negeri
Ana kang ngimpi duwe omah gedhong
magrong-magrong
Kareben digumuni para garong
Ana kang ngimpi duwe mobil
mewah
Nganti padha adol sawah
Ing sawijining wengi sepi
Aku turu lan
ngimpi Ngimpi
endah lan merak ati
Aku ngimpi bocah-bocah kuwi
Padha basa marang leluhure
Padha basa marang simbahe
Padha basa marang wong tuwane
Padha basa marang guru-gurune
Meong! Meong! Meong! Asem!
Ana kucing mlebu ing sarungku !
Kucing kuwi wis ngrusak impenku!
Kucing kuwi mesthi durung tau
ngimpi kaya aku!
Aku tangi..
Aku ngguyu...
Aku mesem sajroning ati . . .
Dhuh Gusti, aku mung ngimpi!
GURIT PILIHAN SMP/MTs
SABA ALUN-ALUN
Mustofa W Hasyim
Bocah cilik ora wani saba lan
peplayon
Apa meneh dolanan perang-perangan
Bengok-bengok gegojegan sak
kesele
Wanine ya mung lungguhan ana
pinggir
Suket resik gilar-gilar ambar
Taman
endah ngresepke pandulu
Kaya sepi kang ora tau mosik
Esuk utawa sore, padha wae
Pancen nyenengke panggonan
jajanan
Ngubengi Alun-alun, enak-enak tur
ya larang
Wong mbara utawa wang wisata akeh
sing
wani
Mampir sinambi ngleremke ati,
edhum pinayungan wit ringin
Krasa urip tenan menawa bengi, sing
saba teruna
Wong diwasa, pada jajan bakmi pa
kopi
Ndolanke pikiran nganti adoh
banget
Kemput tekan pojoke angen-angen
Mbasan wis adhem njekut pada
celatu
”Wah bedhidhing tenan iki.”
Adheme ngejak kemulan wae
Wayahe mulih marang awake
dhewe-dhewe.
GURIT PILIHAN SMP/MTs
AKU KANGEN
Nini Klenyem
Aku kangen marang ocehing manuk prenjak lan podhang
Sing rame
ngoceh ing wit-witan latar lan kebonan
Gawe ati bungah nggawa swasana katentreman
Kabeh bebas rumangsa duwe papan panonopan
Urip ayem tentrem kebak karukunan
Aku
kangen sunaring rembulan nyoroti banyu sendang
Kang
pating sliwer polahe iwak sing
padha mapan
Sajak
ngagungake panguwasaning Pangeran
Lan suka
syukur pinaringan papan leledhang
Iba
endahe yen manungsa ora srakah lan
melikan
Kabeh mau saiki keri gegambaran
Wujude saiki malih mung loji sing bebanjengan
Wit-witan gusis binabat tanpa ngengehan
Oceh-ocehan wis ora duwe pencokan
Sapa sing
salah ? Mangga golekan dhewe
Sing cetha
ya manungsane
GURIT PILIHAN SMP/MTs
LAYANGE BU GURU
Titian Pinta
Kanggo sliramu kang saiki wis makmur
Kanggo sliramu kang saiki wus nglenggahi pangkat dhuwur
Kanggo sliramu kang saiki dadi
tilas muridku
Apa isih kelingan marang wulangan
Apa isih emut karo wejangan
Kudu tansah lumaku jujur
Ati, lathi lan uga polahmu
Ora maido saiki kabeh karep keturutan
Ora maido saiki kekeceh driya
Ora gumun saiki dadi panutan
Ora gumun saiki dadi panguwasa
Cilik digitik laku jujur
Gedhe bisaa dadi pangayom
Bisaa dadi papan sendheyan kanggo
sesepuh
Bisaa mrantasi bot
repoting nagari
Nanging lakumu owah dening angin
kang sarak
Pikirmu nalisir saka bebener
Bandha rakyat direncah, dijarah
Kanggo kekipu kang mubazir
Eling-eling ndang balia mecaki
garismu
Eling-eling ndang maria saka lara jiwamu
Eling-eling yen bandha iku sampiran donya
Bakal tinilar yen wus seda
Tidak ada komentar:
Posting Komentar